練習樂器漫漫長路，唔係計算飛行里數…

練習樂器經常有人提及「你今日練咗幾多個鐘呀？」我哋又唔係飛機師/空姐咁要計住飛咗幾多個鐘。反而不經意地會因為時間多少，產生相對期望及回報。

假設尋晚你通宵打機/趕project/朋友聚會飲多兩杯…就算瞓醒個人都未回魂，俾你練多兩三個鐘又如何？

到頭來你以為自己練咗，根本從頭到尾冇一樣入到腦，所以奉勸大家唔好自己呃自己，其實「練習方法」、「精神狀態」呢啲因素，遠比練習時間重要。

覺得攰嘅，試吓拉下筋或者瞓多陣，學習如何提升專注度對練習樂器係好緊要！

練習樂器漫漫長路，唔係計算飛行里數！